I ka munguar skenës muzikore dhe intervistave prej disa kohësh për t’u rikthyer në emisionin “Oktapod”. Këngëtarja Ronela Hajati ka shpjeguar arsyet sepse nuk është publikuar klipi i saj më titull “Tiger” si dhe shkëputjes prej disa kohësh nga muzika.
“Nuk jam më vërdallë sepse kam dashur vet kështu, kam menduar të mënjanohem nga muzika për ca kohë,”-thotë Hajati.
Për klipin “Tiger” këngëtarja është shprehur se nuk do të shohë kurrë dritën e publikimit. “Klipi nuk do të dalë kurrë, kujtim do të mbesë vetem promoja. Arsyeja është sepse stafi që më menaxhonte “Max Production”, nuk pranoi t’a publikojë. Unë kam patur një kontratë në të cilën kam qenë deri diku e punësuar tek “Max Production”, pasi ndihmoja me ide, tekste etj dhe në kontratë kisha 4 deri në 5 klipe falas në vit,”-vijon Hajati.
Gjithashtu ajo thekson se nuk i është dhënë asnjë shpejgim sepse nuk duhej të publikohej klipi, por nëse dëshironte mund edhe të kryente një pagesë për të. Hajati diçka të tillë e ka cilësuar një shkelje të kontratës, e cila sipas saj rezultoi e pavlefshme për shkak se nuk ishte firmosur nga pala tjetër.
“Kam kaluar një periudhë të tmerrshme me një presion mjaft të madh psikologjik. Megjithatë tashmë janë fokusuar tek gjërat e tjera në jetën time, tek shkolla familja. Njeriu që më ka qëndruar më pranë ka qenë mamaja ime,”-thotë Hajati.
Ajo shprehet se ndjen mungesën e të atit, i cili ka ndërruar jetë disa kohë më parë, sipas saj nëse do të ishte ai gjallë asgjë nga këto nuk do të kishte ndodhur. E pyetur për marrëdhënien me këngëtaren Samanta Karavella, Ronela nuk u prononcua duke thënë se njerëzve u ndodh të kenë konflikte.
