Ronela Hajati dhe Young Zerka janë një nga dyshet më të diskutuara në showbiz-in shqiptar. Është folur shumë se ata janë në një marrëdhënie me njëri-tjetrin, megjithatë askush prej tyre nuk ka pranuar asgjë deri më sot. Të dy dëshirojnë që për ta të flitet vetëm për muzikën që bëjnë. Megjithatë të vetmen gjë që nuk e mohojnë është miqësia e ngushtë që kanë mes tyre. Madje ata kanë dhe disa bashkëpunime shumë të suksesshme me njëri-tjetrin.
Ditën e sotme Ronela ishte e ftuar në emisionin ‘Një kat më lart’ në ‘In Tv’ dhe foli hapur për raportin që ka me Zerkën. Moderatori i emisionit e pyeti Ronelën se përse i shkruajti Young Zerkës në një fotografi ‘I imi’. Këngëtarja ka thënë se këtë gjë e bën me gjithë miqtë e saj që i konsideron edhe si vëllezër. Më tej moderatori e ka ngacmuar duke i thënë se nuk mund të lidhet me vëllain. “Po dhe Zerkën vëlla e kam”, – tha Ronela duke qeshur.
Më tej ajo ka thënë se nuk ka dëshirë të flasë, as nuk mohon dhe as nuk po pohon gjë. Ndërsa kur u pyet nëse bëhet xheloze për femrat që Young Zerka zgjedh në videoklipe Ronela u shpreh: “ Të bëj çfarë të dojë për klip ai, po jashtë klipit…vëlla e motër jemi të dy”. /revistawho.com
