Rosela Gjylbegu dhe Enca Haxhia u kthyen në kryefjalën e showbiz-it shqiptar disa javë më parë. Debati midis dy vajzave nisi vetëm nga disa fjalë të Roselës në emisionin ‘Shiko kush luan’, ku u shpreh se nuk do të bashkëpunonte asnjëherë në muzikë me Encën. Por Enca nuk e priti aspak mirë këtë gjë dhe menjëherë u hodh në ‘sulm’ kundër Roselës, duke e quajtur “gjyshe”. Megjithatë Gjylbegu nuk dëshiroi ta vazhdonte më tej këtë debat.
Por ditën e sotme ajo ishte e ftuar në ‘Kush vjen për drekë’ dhe normalisht moderatorja e emisionit nuk mund ta anashkalonte këtë temë. “Mendoj që po ta zgjasim shumë këtë bisedë do ishte e tepërt, kështu që nuk kam asnjë koment. Një gjë mund të them unë s’jam nga ata njerëz që i pëlqen të bëj ‘gossip’ apo zhurmë” ka thënë Rosela duke u munduar të shmanget. “Personalitetin tim e kam krijuar me sakrifica dhe kjo kam dashur të jem gjithmonë, të respektohem nga publiku. S’më erdhi keq përderisa kuptova që publiku më do shumë” ka shtuar këngëtarja. /revistawho.com
