Rovena Dilo humb 6 kilogramë pas divorcit, shfaqet superelegante në “Dancing With The Stars”

Pjesëmarrja e saj në një garë kërcimi si “Dancing with the stars” përkoi me një ndryshim në jetën private, pasi bashkëshorti për 10 vjet, Florian Riza, kërkoi zgjidhjen e martesës në Gjykatë. Vetë artistja nuk dha asnjë detaj në media për arsyet që çuan në prishjen e martesës me ish­futbollistin, duke u fokusuar te kjo garë, fituesi VIP i së cilës do të përfitojë një shumë të majme parash. Dilo duket shumë ambicioze në këtë sfidë televizive, pasi përveç provave intensive, përballet me batuta me jurinë, duke mbrojtur punën e saj. Dhe për të realizuar numrat e kërcimit nga java në javë, punon intensivisht me provat në palestër. Kjo është dhe arsyeja që, përveç energjisë që shfaq në skenë, duket dhe më elegante, fakt që e favorizon për të përballuar numrat e vështirë. Sipas burimeve tona, vetëm këto javë ajo ka hequr gjashtë kilogramë nga pesha e saj, dhe ndryshimi bie në sy dukshëm. Nuk është kjo hera e parë që Rovena i afrohet kërcimit, duke pasur parasysh dy pjesëmarrjet e viteve të fundit në “Kënga Magjike”, ku ka performuar në skenë edhe vetë si kërcimtare. (Panorama)