Si pjesa më e madhe e të rinjve edhe Roza Lati fundjavat i kalon në ‘club’ me miqtë e saj ose udhëton në vende të ndryshme. Pavarësisht se në rrjete sociale mund të duket se shijon jetën në çdo moment, shpesh i duhet të përballet edhe me situata jo fort të këndshme. Mbrëmjen e djeshme ajo ka kaluar një situatë të tillë dhe siç duket e ka përballuar më së miri. Roza është gjendur në një moment aksidenti dhe i ka ofruar ndihmën e saj një vajze. Motra e vajzës në fjalë ka falenderuar moderatoren për mbështetjen dhe ka thënë se Roza ka qenë engjëlli mbrojtës për të dje. Roza është prekur shumë nga mesazhi dhe ka treguar se jeta nuk është njësoj si në rrjetet sociale.
“Kur të vjen një mesazh i tillë dhe të mbushen sytë me lot. Ana e errët e së premtes mbrëma. Mos gjykoni duke parë në ‘Instastory’…Jeta nuk është si në internet”, – ka shkruar ajo. Ky është një mesazh shumë i mirë për të mësuar se ajo çfarë na ofrohet në rrjete sociale është një jetë virtuale dhe se nuk duhet të priremi të gjykojmë çdokënd thjesht nga pjesa sipërfaqësore. /revistawho.com
