Është e njohur tashmë për të gjithë debulesa e Roza Latit për kafshët. Madje ajo ka shkuar deri në prokurori për të akuzuar Artan Zabelin, pronarin e dyqanit të kafshëve në ‘Myslym Shyr’ se keqtrajtonte afshët. Roza gjithashtu kujdeset edhe për kafshët e rrugës, duke u munduar t’i gjejë atyre një strehë dhe dikë që i adopton. Kështu ka ndodhur edhe së fundmi me një qenush që ka gjetur në rrugë. Por një koment i papritur, ku dikush e kërkonte qenin për t’u ndeshur me qen të tjerë, ka bërë moderatoren që të shpërthejë.
“Vdeksh ti që e do për ndeshje qensh. Nuk lejohen ndeshjet e qenve nëpër botë edhe pse këtu në Shqipëri është lëmsh situata. Unë uroj që ndonjë ditë të bukur të jesh ti aty në sheshin e betejës dhe qentë të të shqyejnë ty vëlla. Ashtu si ti përlesh qentë që ët shqyejnë njëri-tjetrin unë uroj që të jesh ti një ditë. Karma ekziston dhe ashtu si keqtrajton ashtu do të keqtrajtohesh”- i ka thënë Roza ‘fansit’.
