Të shtunën e javës së kaluar Enca ishte e ftuar speciale në emisionin “Xing me Ermalin”. Gjatë bisedës së saj këngëtarja u shpreh se i vinte shumë keq që personazhe të tjerë përdorin emrin e saj për t’u bërë të njohur dhe ftohen në emisione televizive për inat të saj. “Emisionet që ju japin hapësirë personazheve të tillë, për të dalë dhe për të thënë gjëra kundra meje e bëjnë vetëm sepse unë s’i kam shkuar në emision”, tha Enca duke ju referuar Roza Latit dhe Trejsi Sejdinit. Pak kohë më parë Roza kishte të ftuar në emisionin e saj “Why Not” Trejsin, me të cilën Enca ka pasur një debat virtual në rrjete sociale.
Gjatë emisionit Trejsit ju drejtua një pyetje nga fansat për Encën, gjë të cilën kjo e fundit nuk e priti aspak mirë dhe më pas doli kundër Latit dhe Sejdinit. Ditën e sotme Roza ka vendosur t’i përgjigjet publikisht Encës përmes disa postimeve të saj në ‘Instastory’. Ajo ka treguar se nuk ka pasur mundësi t’i përgjigjej, sepse po merret me një projekt të ri.
Moderatorja është shprehur se ajo si gazetare nuk mban anën e askujt dhe se në emisionin e saj e kanë pasur të gjithë derën të hapur.
Më pas Roza ka shtuar se është ndjerë shumë e ofenduar nga Enca, duke qenë se sipas saj ajo i ka dhënë shumë rëndësi vetes.
Lati ka treguar se 7 vite më parë ajo ishte e para që e ka mbështetur këngëtaren, në kohën kur ende nuk kishte marrë famën që ka sot.
“Pra në mbyllje artiste mos i jep kaq shumë rëndësi vetes. Për ofendimin që më ke bërë mua, duke i dhënë kaq shumë rëndësi vetes, ke treguar vetëm një frymë inferioriteti, ligësie, që përtej syçkave të bukura dhe formave të tua fizike që janë ëndrra jote me sy hapur në ‘Instagram’…bën veten protagoniste…kur je fundi i fundit të bishtit të kavallit në botën tonë…në botën time”, ka shkruar Roza.
Më pas për ta mbyllur ajo ka treguar se në projektin e ri, Trejsi Sejdini do të jetë e ftuara e parë, që Enca të mos mendojë se e fton për inat të saj.
Tashmë ende nuk ka një reagim nga ana e këngëtares për këto deklarata të moderatores, por siç duket debati mes vajzave të njohura do të vazhdojë gjatë. /revistawho.com
