Roza Lati ka qenë së fundmi e ftuar në emisionin ‘Lart e Poshtë’ më gazetarin Eraldo Rexho. Ajo ka rrëfyer detaje nga jeta e saj, karriera dhe jo vetëm. Roza ka treguar për jetesën vetëm duke thënë se është kujdesur të ketë një ambient të rrethuar nga bimë kudo. Po ashtu ajo ka treguar se ndonëse është një njeri me shumë energji, i pëlqen shumë që herë pas here të rimarrë veten në ambientet e saj të preferuara duke qëndruar vetëm.
Lati është shprehur gjithashtu se raporti i saj me gazetarët është si një pasqyrë dhe se ajo i trajton njësoj siç ata shkruajnë për të.
E pyetur nga Eraldo se nëse është zhgënjyer nga ndonjë raport në botën e showbiz-it, Roza ka rrëfyer se ka një listë të zezë të disa personazheve VIP, që fillimisht ka zgjedhur t’i promovojë dhe t’i mbështesë, por pasi kanë arritur famën nuk i janë përgjigjur për të ardhur në emision. Ndër të tjera moderatorja u shpreh se në të ardhmen e mendon veten një mama shumë të rreptë me fëmijët e saj dhe se do kujdeset të vendosë ajo për ta.
Kujtojmë se prej disa muajsh Lati moderon programin ‘Why Not’ në ekranin e ‘Ora News’ dhe ashtu siç është shprehur dhe në intervistë, ka pasur mundësinë ta trajtojë dhe ta ‘rrisë’ emisionin ashtu siç ajo ka dëshiruar./revistawho.com
