Ajo është një nga personazhet më karizmatike të ekranit shqiptar, e diçka të tillë e ka përçuar edhe gjatë emisioneve që ka prezantuar. Moderatorja Roza Lati ka dhënë një intervistë mjaft ritmike në emisionin “Vizioni i Pasdites”, për moderatoren dhe autoren Orinda Huta. Gjatë kësaj interviste që vjen përmes këngëve të saj të preferuara ajo është shprehur për fëmijërinë e saj të vështirë pas ndarjes së prindërve, adoleshencën dhe sigurisht për lidhjen e saj aq të përfolur me këngëtarin Stine: “Ne nuk jemi bashkë. Morëm pjesë në një spektakël kërcimi ku vinte edhe e dashura e tij. Madje të dashurën e tij e kam mike në Facebook. Me Stinen jam lidhur në periudhën e tij më të suksesshme, por ka qenë një lidhje e vështirë. Nesti ishte 26 vjeç atëherë unë 17. Nuk mund të lidhesh me një djalë 26 vjeçar në kulmin e karrierës, një djalë simptatik që i shkojnë të gjitha vajzat nga pas. Një djalë, i cili ka qenë lehtësisht i shpërqendrueshëm ndonëse mua më kishte përzemër. Kemi patur shumë përplasje dhe njerëzit e tjerë nuk na linin rehat. Ne bëmë tre vjet të lidhur,”- është shprehur Lati. Gjithashtu ajo u shpreh se tashmë është dikush në jetën e saj. “Femrat e harrojnë atë që kanë patur kur gjejnë një dashuri tjetër dhe unë e gjeta pas shumë kohësh. Është dikush që ma çon një mesazh “Mirëmëngjes zemra ime”, jemi miq si kemi trashur shumë telat, por ne femrat kemi nevojë për vëmendje, megjithatë nuk e kam bërë publike sepse nuk fillojnë e marrin vesh njerëzit nisin e ndërhyjnë,”-vijon vajza e aktores Rita Lati. Gjithashtu Roza ka folur edhe për marrëdhënien me nënën e saj, të cilën e ka patur më tepër shoqe sesa mama: “Ndonjëherë i them do të gjej burrë ty njëherë pastaj për vete, aq shumë më merr në telefon. Ndonëse mami e ka shokun e saj, ka 20 vjet që është më shokun e saj,”-përfundon Roza Lati.
