Rozana Radi u shpall dje fituese e edicionit të 18 të “Këngës Magjike”. Mes lotëve dhe gëzimit Rozana tha se e ëndërronte këtë fitore dhe trofeun ja kushtoi prindërve të saj që nuk jetojnë më. Menjëherë pas përfundimit të spektaklit, Rozana Radi shkoi pranë partnerit të saj prej vitesh, Shpëtim Karakushi, i cili është prokuror në Prokurorinë e Rrethit Tiranë. Ata kanë më shumë se tre vjet bashkë, dhe bashkëjetojnë prej dy vitesh. Ata u fotografuan bashkë, duke u shfaqur për herë të parë publikisht. Rozana gjithmonë ka dashur ta ruajë marrëdhënien nga vëmendja e medias, por emocionet e fitores nuk mund t’i përjetonte pa të.
