Rozana Radi i kthen përgjigje Devis Xherahut: Nuk hyre në finale prandaj më sulmon

Devis Xherahu postoi një status në profilin e tij në Facebook, ditën e sotme, që ngjalli shumë polemika pasi këngëtari kritikonte Ardit Gjebrean, jurinë, konkurrentët të cilët i quajti këngëtarë të shkollës fillore, tetëvjeçare e madje shkruante se Rozana nuk e meritonte fitoren. Megjithatë, Rozana nuk qëndroi pa i kthyer përgjigje këngëtarit. Në emisionin “E diela shqiptare”, ajo u shpreh se artisti flet kështu sepse nuk hyri në finale. “Këta artistë pa shkollë janë ata që më kanë votuar në 2011. Më kanë votuar këta artistë që janë të vërtetë ashtu siç më votove ti me 13 pikë dhe meqënëse nuk hyre në finale më sulmon sot. Të uroj suksese. Të uroj të thinjesh si artist” -ishin fjalët e Rozanës.