Këngëtarja Rozana Radi mbetet një nga artistet më të dashura për publikun shqiptar, që e ndjek me shumë dëshirë çdo dalje të saj në skena të ndryshme. Po ashtu dhe Rozana ka ditur gjithmonë si të jetë më afër fansave të saj, duke i bërë pjesë të projekteve të ndryshme. Së fundmi këngëtarja i ka pyetur ndjekësit se si dëshirojnë që të jetë kënga e saj e re. Komentet kanë vërshuar si lumë, duke treguar preferencat e ndryshme që kanë, por të shumtë kanë qenë dhe ata që ia kanë lënë në dorë këngëtares, duke i cilësuar këngët e saj gjithmonë si suksese.
