Pas videos së publikuar në rrjetet sociale, ku dy të rinj të dehur tërhoqën vëmendjen e të gjithëve në plazh, vajza që u dhunua nga 26vjeçari nuk e ka paditur atë, duke e shpëtuar nga burgu.
Në video çifti shfaqej buzë detit, ku djali tërhiqte zvarrë të dashurën e tij duke e futur në det në mënyrë që t’i dilte pija. 26vjeçari me inicialet I.Z nga Maminasi u “kryqëzua” në rrjetet sociale si një burrë që dhunonte të dashurën, duke shfrytëzuar gjendjen e saj të dehur.
Por sipas një njoftimi zyrtar të policisë, i riu akuzohet vetëm për “prishje të qetësisë publike” dhe mos bindje ndaj urdhrit të policisë dhe do të
procedohet në gjendje të lirë, pasi vajza nuk e ka paditur për dhunë fizike.
DEKLARATA E PLOTË E POLICISË:
“Në lidhje me një video të publikuar në rrjetet sociale, e cila bën fjalë për një ngjarje të ndodhur në”Gjirin e Lalzit”, ju bëjmë me dije se: Ngjarja ka
ndodhur më datë 24.07.2016, në”Gjirin e Lalzit”. Të dy shtetasit e paraqitur në video kanë qenë nën efektin e alkoolit. Policia e Qarkut Durrës me të
marrë njoftimin ka shkuar menjëherë në vendngjarje. Përpos kundërshtimeve dhe mosbindjes ndaj urdhrit të Punonjësve të Policisë për ti shoqëruar
në ambientet e Policisë është bërë e mundur shoqërimi i dy shtetasve të shfaqur në video. Në vijim të hetimeve bazuar edhe më deklarimet e
shtetasve të shoqëruar është proceduar penalisht në gjendje të lirë shtetasi I.Z. 26 vjeç, banues në Maminas. Shtetasi i mësipërm dyshohet se, tek
“Gjiri i Lalëzit”, ka prishur qetësinë publike dhe nuk i është bindur urdhrit të punonjësve të policisë të rendit publik, vepra penale të parashikuara në nenet 274 dhe 242 të Kodit Penal. Shtetases së seksit femër i është bërë e ditur që në bazë të ligjit ka të drejtë të bëjë kallëzim në ngarkim të
shtetasit I.Z. por me vullnet të lirë nuk ka dëshiruar”.
