Askush nuk e priste që çifti Armela dhe Damiano të largoheshin nga shtëpia më e famshme në vend. Megjithatë, çifti u detyrua t’i japë fund përvojës në “Big Brother” dhe kjo sipas Armelës është padrejtësi.
Gjatë një komunikimi live më fansat, ish-banorja e “Big Brother” ka folur për eliminimin, për marrëdhënien me Damianon, dashurinë e tyre dhe fituesin e këtij edicioni.
“Dalja ime dhe e Damianos ishte padrejtësi, se kam pritur kurrë që do dal. Finalja e “Big Brother” ka qenë me daljen tonë”, ka thënë mes të tjerash Armela.
Sa i takon marrëdhënies me Sidritën dhe Ervinin dhe nëse kanë ruajtur miqësinë pas atyre që kanë ndodhur, Armela tregon se, “Sidritës i flas, ndërsa me Ervinin nuk kam lidhje”.
Por si do të vazhdojë tani që janë jashtë lojës marrëdhënia mes saj dhe Damianos dhe a do të qëndrojnë të lidhur?
E pyetur për këtë, Armela është shprehur se, “Me Damianon jemi ndarë si çift loje, por do vazhdojë ndryshe tani, do e nisim nga zero”.
Gjatë kohës në shtëpi, dy konkurrentët na lanë të kuptohej se ishin të dashuruar. Por, a ekziston vërtetë dashuria mes tyre, apo siç thuhet rëndom ishte sa për lojë? Ish-banorja e “Big Brother” shpjegon se, “Nuk mund ta duash një njeri kaq shpejt”, përgjigje që nuk lë shumë vend për dyshime.
Pas daljes së çiftit Damiano-Armela, të cilin shumë njerëz e shihte si fitues, tashmë kureshtja më e madhe është se cili mund të fitojë këtë edicion.
Për Armelën, “ai që duhet të fikë dritat e shtëpisë është Musa”./xing.al
