Jennifer Hough, gruaja që akuzoi burrin e reperes Nicki Minaj, Kenneth Petty, për përdhunim në vitin 1994, ka dalë sërish në media ku ka dhënë një intervistë të re.
Jennifer ngriti një padi në gusht kundër Minaj dhe Petty, duke e akuzuar çiftin për “kanosje të dëshmitarëve, shkaktim të shqetësimit emocional, sulm e ngacmim seksual”.
Ajo pretendon se Minaj së bashku me burrin e saj, Kenneth Petty u përpoqën ta frikësojnë duke e kërcënuar të tërhiqte padinë e saj legjitime ndaj Petty.
Në intervistën e saj të parë televizive para kamerave, Hough dhe avokati i saj, Tyrone A. Blackburn, në The Real kujtuan në detaje atë që i ndodhi më 16 shtator 1994, kur Hough dhe Petty ishin të dy 16 vjeç që jetonin në Jamaica, Queens, në New York.
Hough kujtoi kohën kur Petty e përdhunoi atë para fillimit të shkollës. Petty e pa atë në stacionin e autobusit dhe ai i vuri një mjet në shpinë ( thikë jo pistoletë) dhe e detyroi atë të hynte në një shtëpi aty pranë.
“E dija se çfarë donte ai,” tha Hough. “Ai më hodhi në krevat dhe grisi rrobat e mia”.
Hough tha se pasi Petty e përdhunoi, ai u ngrit para pasqyrës aty pranë dhe tha: “Unë jam burrë, unë jam burrë”.
Hough nuk ka punuar që nga maji i vitit 2020 kur u bë publike ngjarja endodhur në vitin 1994 për shkak të depresionit të rëndë, paranojës, lëvizjeve të vazhdueshme, ngacmimeve dhe kërcënimeve nga të pandehurit Minaj dhe Petty dhe bashkëpunëtorët e tyre. Ajo aktualisht po jeton e izoluar nga frika e hakmarrjes”.
43-vjeçari u deklarua fajtor gjatë një seance virtuale dhe tani përballet me një maksimum prej 10 vitesh burg me një lirim të mbikëqyrur gjatë gjithë jetës.
Minaj dhe Petty u martuan në vitin 2019 dhe së bashku kanë një dajlë që mbush 1 vjeç më 30 shtator./revistawho.com
