Vitoire Maçon Dauxerre që kur ishte e vogël ëndërronte të shkelte në pasarelat më të famshme të botës. Bukuria e ndihmonte sepse ishte një biletë e domosdoshme për të hyrë në botën e modës dhe kështu vajza u bë top modele. Sot kjo ëndërr u pre në mes, pasi pikërisht për shkak të kësaj bote ajo rrezikoi jetën. I ishte kthyer në fiksim që të binte në peshë. Në profilin e saj “Instagram” ajo tani tregon vuajtjet dhe sakfrificën për të realizuar ëndrrën e vegjëlisë. “Kam ngrënë = vetëm 3 mollë në ditë për 8 muaj. Asgjë tjetër. Ndoshta vetëm pak mish ose peshk një herë në javë… E kisha pulsin tejet të dobët, filluan të më binin flokët, vuaja nga osteoperoza (sëmundje e kockave) dhe jetoja pa rregulla. Kur e shikon që fytyra jote bëhet jeshile, kupton që ke një problem. Të të imponojnë të kesh një trup të sëmurë si ideal i së bukurës është një krim i vërtetë”, tregon ish-modelja. Anaoreksia e shtyu atë të hiqte dorë nga ky profesion dhe të niste një luftë kundër agjencive të modes që nuk duhet të rekrutojnë vajza tepër të dobëta. Victoire sot është në masën trupore 38 dhe peshon 54 kilogramë por kur sfilonte kishte masën 32. Ajo ka botuar edhe një libër që e ka titulluar “Kurrë tepër e dobët. Ditari i një top-model”. Aty ajo rrëfen edhe për modele që ushqeheshin përpara kamerave dhe pastaj në paskenë nxirrnin mbrapsht gjithçka.
