Disa ditë më parë supermodelja Angela Martini i bëri një dedikim plot dashuri gjyshes së saj, që bukuroshja shqiptare i thërret nana Doga. Sot, në ditën e festës, Angela tregon më shumë për gjyshen, një femër e guximshme të cilës ja shkruan fatin ende pa e përqafuar këtë jetë. “Kjo është historia e gjyshes sime. Historia e saj e dashurisë më ka frymëzuar e më ka bërë të kuptoj se kur dashuria vjen, nuk ka rregulla, ngjyrë e as fe. Dashuria është e vetmja dhuratë për të cilën ia vlen të luftosh për ta pasur”, ka shkruar modelja. Gjyshja e Angela Martinit quhet Davida Ibrahimi. Në fakt historia e Davidës nuk është krejt e panjohur për publikun shqiptar. Jeta e saj është rrëfyer vetëm një muaj më parë në “Top Channel” nga gazetarja Klodiana Kapo. Davida Ibrahimi, edhe pse ka mbushur 86 vjeç, i ka shumë të freskëta ditët kur vendosi të arratisej nga shtëpia saj. Asokohe ishte 18 vjeç, por fati i saj u lidh sapo nëna e solli në jetë. Ajo duhej të martohej me një djalë nga fisi i Gjonmarkagjonajve. Jeta ka dredhitë e saj hileqare. Në Gojan të Pukës caktohet komandant poste Muho Ibrahimi, sytë e të cilit mbetën tek kjo çobanesh e bukur, por krejt e paditur”, shkruan gazetarja e “TCH”. Ndërsa vetë nana Doga tregon: Nëna më rrahu keq, sa më theu dhëmbët. Muho vjen fill brenda në shtëpi dhe i thotë nënës, pse je bërë kriminele për fëmijën tënd. I thotë nëna “T’lutem shumë dil jashtë se fëmija është i imi. Në ato fjalë vjen njëra jashtë dhe thërret nënën e Muho më thotë “A don me ardh”. I thashë du me ardh pa pikë zori. Dhe e lamë pa dalë drita. Davida shkoi në shtëpinë e Muhos, një mysliman shkodre. Ajo kishte çnderuar familjen. Në ato vite ndasia e fortë midis të krishterëve dhe muslimanëve të Shkodrës sapo kish nisur të zbutej. Davida me buzëqeshje tregon se sa e paditur dhe e humbur ka qenë në fshatin e saj: Shkoj tek një hallvaxhi e më thotë çfarë do me hangër. Blemë nga ato kajmakliat që kanë qenë më të bardhë veze. Krejt e marrë, e shkundun. Ja heq letrën ai hallvaxhia e ma jep në dorë. Unë e shtrëngoj e ajo thërrmohet dhe e lëshoj përtokë se u tremba. Shitësi i tha, Muho se paske gruan qytetare. Jo i tha Muho, e pranoi se e dinte se nga më kishte marrë. Pas 19-vitesh, nëna e gjashtë fëmijëve jeton e vetme dhe me mall për Muhon e saj. (Intervista e plote ne videon me poshte)
