Rrëfehet Rudina Magjistari: Ja si u përndoqa për dy vite në rrjete sociale

Në një intervistë eksluzive për ‘Panorama’ Rudina Magjistari ka rrëfyer detajet mbi kërcënimet që i kanë ardhur nga një e panjohur. “Në fanpage-in me emrin Rudina Magjistari, një person që e ndërron shpesh profilin, sepse unë i bëja block, më fyente dhe kërcënonte vazhdimisht. Unë nuk vazhdoj dot më kështu sepse u bë shumë e bezdisshme situata. U detyrova të shkoj në polici dhe t’i japin drejtim ata çështjes”-shprehet Rudina Magjistari. E pyetur nëse kërcënuesja ishte femër, ajo shprehet se mendon se është femër dhe ka dy vjet afërsisht që e bën këtë punë. Më tej ajo shton se femra në fjalë i shkruante në inbox, më pas kaloi në wall (mur) dhe se në fjalët e saj kishte një humbje logjike. “Aty përmend shumë persona dhe kushdo që e lexon kupton se e ka humbur realitetin”-mbyll rrëfimin e saj moderatorja bukuroshe.