Vilma Masha është një prej gazetareve më të dashura të ‘SuperSport’. Megjithatë Vilmën jemi mësuar ta shohim gjithmonë brenda kornizave të televizionit, por se çfarë ndodh me jetën private të gazetares deri më tani nuk kemi ditur asgjë.
Mëngjesin e sotëm ajo ishte e ftuar në emisionin televiziv “Në shtëpinë tonë” dhe ka treguar shumëçka mbi jetën e saj. Vilma ka treguar se ajo ka përkrah një partner, por ai nuk është një person publik dhe për këtë arsye ajo mundohet ta mbajë sa më larg vëmendjes së mediave. Partneri i saj jeton në Romë prej 13 vitesh dhe për momentin punon në bankë. Më tej Vilma ka treguar se mirëkuptohet shumë mirë me partnerin e saj dhe ajo është shumë e lumtur sepse ai di të gatuajë shumë mirë. Gjithashtu pritet që shumë shpejt lidhja e Vilmës të kurorëzohet në martesë, pse jo dhe me fëmijë shumë shpejt. /revistawho.com
