Portieri bukurosh i “Partizanit” dhe “Kombëtares” Alban Hoxha u shfaq sërish në rubrikën e gatimit ditën e djeshme në “E diela shqiptare”. Në fakt dje ishte dita e Albanit, që duhet të gatuante për dy “konkurrentet” e tij Valbona Selimllari dhe Dalina Buzi, sigurisht me ndihmën e shefit të famshëm Renato Mekolli. Albani dukej qartazi që nuk i kishte marrë kurrë në dorë tenxhere e tiganë, ndërsa pohoi hapur se kjo ishte hera e parë dhe e fundit që gatuante. Sportisti i suksesshëm bëri edhe një rrëfim simpatik teksa shkonte me makinë, për të bërë pazarin, shkruan “revistawho.com”
“Ju do të mendoni se po bëj gabim që nuk po e vendos rripin e sigurimit. Në fakt nuk është kështu. Unë i respektoj rregullat e qarkullimit por rripin se vendos dot pasi jam mbi gjatësinë e lejuar”.
Më tej Albani u shpreh se urren të bëjë pazarin e se kur e ëma i jep listën e gjërave për të blerë, ndodh që ai edhe e gënjen.
“E urrej të bëj pazarin. Kur më jep mami listën me gjëra për të blerë, shkoj deri te marketi dhe kthehem mbrapsht e i them “nuk kishte”. Nuk e di pse, po kam turp të blej domate ose perime e gjëra të ndryshme”./ revistawho.com
