Rrëfimi i asistentes: Të jesh krahu i djathtë i Beyonces? Aspak e thjeshtë!

Zgjedhja se çfarë do veshësh është njëra nga sfidat që përballet çdo njeri, çdo ditë. Imagjinojeni sa e vështirë bëhet zgjedhja kur ky njeri është krahu i djathtë e njërës prej femrave më të fuqishme në botë. Asistentja personale e Beyonce-s, Sam Greenberg ka treguar për revistën “Vogue” se çfarë vesh çdo ditë. Kur është në prapaskenë, Sam preferon të veshë xhinse, xhaketë të shkurtër dhe bluzë të thjeshtë, të gjitha në të zezë. “Në këtë profesion nuk duhet të vishesh për të rënë në sy. Mjafton të dukesh e pastër dhe me stil, por nuk duhet të mundohesh për të qenë qendra e vëmëndjes. Materiale të mira dhe një palë këpucë të sheshta dhe të rehatshme janë të mjaftueshme dhe të duhurat. Në fund të fundit, duhet të tregosh për kë je duke punuar”- thotë Sam. “Shpeshherë ndodh që zbresim nga avioni dhe futemi direkt në shfaqje. Në këto raste, duhet të sigurohem që nuk jam veshur shumë sportive’. Sam mban me vete gjithmonë një valixhe, duke qenë se Beyonce e njofton në momentin e fundit për shumicën e angazhimeve që i dalin. “Nuk jam shumë e mirë në përgatitjen e valixhes, prandaj më ndodh që të harroj ndonjë gjë pa marrë”-shton Greenberg, duke na lënë të kuptojmë që ndonëse është krahu i djathtë i njërës prej femrave më të fuqishme në botë, ajo gjithsesi mbetet një vajzë e zakonshme.