Elsa Lila ka rrëfyer në Ferma VIP një ndër momentet më të vështira për të, momentin e arrestimin të saj dhe burgosjen e padrejtë në Itali, rrëfim i cili përloti fermerët brenda në fermë, por edhe publikun. Një histori e cila në atë kohë ishte kryefjalë në shumë media dhe portale, teksa të gjithë nxituan për të krijuar historinë e tyre pa ditur askush të vërtetën.
Këngëtarja tregoi se ngjarja ndodhi në orën 5 të mëngjesit, teksa me të ishte edhe e bija.
“Kjo gjë më ndodhi krejt papritur, po flija gjumë në shtëpinë time, ishte ora 5 e mëngjesit, më ra dera edhe u paraqitën Forcat e Rendit, rreth shtatë, për të më arrestuar. Duke mos pasur lidhje me ambiente kriminale ti fle i qetë edhe kjo gjë që ndodh papritur…Ndjenjë absurdi, përzier me shokimin, me mosbesimin, të shohësh jetën tënde të përmbyset për 5 minuta, të shohësh fëmijën tënd që ta marrin duke qenë mirë e bukur duke fjetur me të, thjesht ta marrin sikur është asgjë”, tregoi Elsa teksa mes lotësh shtoi se e ka përjetuar keq shkrimet në portale, sidomos sepse do i lexonte e bija.
View this post on Instagram
