Eranda Libohova është bërë pjesë e ekranit në një moshë të vogël. Këngët e saj na kanë shoqëruar prej vitesh dhe shumë prej tyre kujtohen me nostalgji.
Së fundmi teksa ka qenë e ftuar në emisionin “Siluete” ajo ka folur për jetën e saj private dhe marrëdhënien me motrën e saj, këngëtaren e dashur për publikun, Irma Libohova. Ajo tregoi se në jetën e saj është plagosur vetëm një herë dhe ‘shërimi’ i saj ishte muzika.
“Jam plagosur një herë në jetën time. Qaja dhe dëgjoja Toni Braxton, pasi ai iku në Amerikë,” tha këngëtarja.
Ajo gjithashtu tregoi se personi që i hapet më shumë për jetën e saj private është mikja e ngushtë, e cila është me profesion ekonomiste. Më pas shtoi se me motrën e saj të madhe Irmën nuk flet shumë pasi diferenca e madhe në moshë i ka bërë disi më të ftohta.
“Me shoqen time unë konfidohem më shumë se sa me Irmën. Me Irmën unë kam 10 vite diferencë dhe nuk e kam ndjerë që të flas për jetën time private. Flasim për shumë gjëra të tjera, mbase familjarët të shohin me syrin kritik duan të shohin të përsosur ndoshta nuk i pranojnë edhe gabimet dhe kjo ndoshta më ka bere mua të jem më e tërhequr,”-shprehet Eranda.
Pavarësisht diferencës në moshë, Eranda dhe Irma do të jenë gjithmonë dy nga motrat më të ëmbla të ekranit shqiptar./revistawho.com
