Modelja e njohur shqiptare, Emina Çunmulaj, ka bërë një rrëfim të ndjerë në podcastin “Mam” me Orinda Hutën, ku për herë të parë ka zbuluar se shtatzënia e saj e tretë ka ardhur përmes një procedure IVF (fertilizim in vitro).
Çunmulaj tregoi se edhe pse nuk ka pasur vështirësi për të mbetur shtatzënë natyralisht, këtë herë ajo dhe bashkëshorti i saj vendosën të provojnë IVF, me dëshirën për të pasur një djalë.
“Shtatzënia e tretë është një shtatzëni jo normale. Që do të thotë se djalin e tretë e kemi bërë mes IVF. Nuk është normale sepse unë falë natyrës nuk kam pasur problem të ngel shtatzënë, por meqenëse e ndieja që edhe i treti kishte për të qenë vajzë, edhe i katërti, i thashë burrit tim ‘a të provojmë të bëjmë IVF?’”, u shpreh ajo.
Emina pranoi se fillimisht bashkëshorti i saj ishte skeptik, ndërsa vetë kishte dilema për shkak të besimit tek Zoti. Megjithatë, çifti vendosi ta provojë vetëm një herë, duke e parë si një hap të bekuar nëse do të rezultonte me sukses.
“Unë jam besuese. M’i ka dhënë dy fëmijë të shëndetshëm dhe s’doja të luaja me diçka që është kundër natyrës. Por unë dhe ai donim djalë. ‘Një herë kemi për ta provuar IVF,’ thamë, ‘nëse Zoti do të kemi djalë, nëse s’del s’do e provojmë më.’ Dhe deshi Zoti të ishte djalë.”
Ajo e përshkroi eksperiencën e IVF si shumë të vështirë emocionalisht dhe fizikisht, duke e konsideruar këtë periudhë një prej sfidave më të mëdha të saj si nënë.
