Endri dhe Stefi Prifti janë dy prej këngëtarëve më të spikatur të muzikës “live”. Nga koncertet, te videoklipet, zëri i tyre dëgjohet kudo. Shpesh dyshja janë vënë në qendër të vëmendjes edhe për jetën personale. Endri ka është përfolur për 2 divorcet dhe marrëdhënien e tij me djemtë. Pikërisht për këtë të fundit ka bërë një rrëfim tejet intim në një intervistë me Rozana Radin në “Një gotë rose”. Ai ka zbuluar se ka rreth një vit që nuk e ka takuar djalin e tij të vogël, duke shtuar se ligji nuk ka funksionuar.
“Jam shumë i lidhur me djemtë. Dashuria për ta është e pashpjegueshme. Kanë 9 vjet diferencë me njëri-tjetrin. Por ka një problem. Djalin e vogël kam një vit pa e parë. Është hera e parë që e them. Na i kanë mbyllur të gjitha. As unë, as Sebastiani s’e kemi takuar. Sipas ligjit një herë në javë duhet ta marr unë, por këtu miqësia e këto që ndodhin në këtë vend, t’i marrin të gjitha. Të marrin dhe fëmijën. Dhe këtë s’e kisha menduar”, ka thënë ai.
