RREFIMI/ Maurizio Costanzo: Çfarë mendova kur e pashë Marian për herë të parë

Nuk njeh limite apo barriera dashuria midis Maurizio Costanzos dhe Maria De Filippit. Ai ka dhënë një intervistë për “Vanity Fair” ku ka treguar shumë: “Një përshtatje shumë e madhe midis dy njerëzve mund të transformohet në një dashuri shumë të madhe dhe madje të fortë. Nuk ishte në fillim, por u ndërtua me kohën, ditë pas dite. Nëse llogarisim dy vitet e fejesës përpara se ajo të thoshte “Po”, nuk do ta kishe besuar kurrë se do të ndodhte. Kur e takova Marian për herë të parë mendova “Ja njeriu që do të më shtrëngojë dorën kur të vdes’. Dhe e mendoj akoma. Nuk më kishte ndodhur kurrë me gratë e mëparshme. Ajo xheloze për mua? Nuk i jap arsye të bëhet, dhe nuk e kam merituar kurrë një skenë xhelozie. As unë nuk jam. Nëse do të isha, do të shqetësohesha. Do të thoshte që diçka nuk shkon në natyrën e marrëdhënies sonë”, ka rrëfyer si rralleherë Costanzo. Sa i takon programeve të gruas së tij ai shprehet: I shikoj gjithnjë programet e saj. Ajo më telefonon gjatë pauzave të publicitetit. Më pëlqejnë sepse nuk janë të improvizuar, kuptohet që pas tyre fshihet një punë e madhe e cila na shfaqet vetëm në mbrëmje vonë. Nxënësi ia kaloi mësuesit? Është e drejtë, ajo është 23 vite më e re se unë, është shumë mirë kështu”. Është një dashuri pa kushte ajo që Costanzo ndjen për gruan e tij, personaliteti i së cilës përfaqëson suksesin e marrëdhenies së tyre. Ai i ka mësuar gjithçka dinte mbi televizionin dhe ajo ja shpërbleu duke u bërë një profesioniste e shkëlqyer, e para në sektorin e saj.