Ditët e sotme celulari është kthyer në mikun më të mirë për secilin prej nesh. Në shumicën e rasteve nuk mund të bëjmë pa të dhe për këtë arsye kemi krijuar shumë varësi ndaj tij. Po pavarësisht gjithë të mirave duhet ditur se e ndenjura në celular gjatë gjithë ditës ka shumë anë negative. Këtu do të gjeni disa arsye shumë të forta pse nuk duhet të qëndroni aq gjatë me celular në dorë.
1.Forcon marrëdhënien
Nëse mendoni se në momentin që shkruani me një person afroheni më shumë, gaboheni, sepse kjo u distancon më shumë. Kur injoroni kontaktin social nëpërmjet ‘chat’-imit ose lundrimit në internet, ju dëmtoni shumë marrëdhënien me një person tjetër. Mendohet se ndikon shumë keq në shëndetin mendor, duke qenë se rrezikon sensin e përkatësisë, vetëvlerësimit.
2.U bën të pavarur
Çdo ditë e më shumë telefoni po kontribuon në pasurimin e njerëzve dembelë për të menduar. Tashmë ne kemi çdo gjë gati në telefon, numrat e kontaktit, oraret, ditëlindjet dhe krijojmë varësi ndaj tij. Nëse humb telefoni duket sikur ka humbur çdo gjë e jona.
3.U ndihmon të fokusoheni
Aq shumë jemi të varur ndaj telefonit, sa që e ndiejmë si një zgjatim të trupit tonë. Është kthyer në diçka normale ankthi që ndiejmë në momentin që zbulojmë se telefoni jonë mungon. Gjithashtu gjatë lundrimit në internet ne kalojmë nga një faqe në tjetrën dhe e mbingarkojmë trurin me informacion.
4.Ju lejon të flini mjaftueshëm
Duke shkruar natën vonë ose duke ndenjur në telefon gjatë natës do të ndikojë shumë në cilësinë e gjumit. /revistawho.com
