Kënga më e dëgjuar dhe më e pëlqyer e momentit “Despacito” po bie nga froni. Dhe e çuditshme është se vendin e saj nuk e ka zënë ndonjë këngë e re, por një super hit i vjetër.
Bëhet fjalë për këngën “Total Eclipse of the Heart”, të cilën Bonnie Tyler e këndoi ditën e djeshme në momentin e eklipsit, në bordin e një anije udhëtimi në lindje të Bahamas.
Kjo këngë në Mbretërinë e Bashkuar dhe Shtetet e Bashkuara të Amerikës është radhitur e para në iTunes.
“Unë kurrë nuk lodhem duke e kënduar këtë këngë”, ka thënë këngëtarja Bonnie Tyler për Good Morning America ditën e djeshme./Tabloid.al/
