Selena Gomez i është përgjigjur kritikëve lidhur me paraqitjen e saj në ndarjen e çmimeve në “Golden Globe 2023”.
E veshur me një fustan “Valentino” pa rripa me një dekolte të thellë, ajo ishte një nga yjet e ceremonisë, si dhe u nominua për “Aktoren më të mirë”.
Këngëtarja 30-vjeçare, e cila mori pjesë në ceremoninë e çmimeve së bashku me motrën e saj Gracie, doli “live” në “Instagram” menjëherë pas eventit.
Në video, Gomez ishte e shoqëruar nga motra e saj 9-vjeçare, Gracie Elliott Teefey, teksa i drejtohet me ironi kritikëve për peshën e saj.
“Jam paksa e madhe tani sepse u kënaqa gjatë pushimeve. Por ne nuk na intereson”, u shpreh ajo.
Reagimi erdhi pasi ndjekësit bënë komente lidhur me peshën e saj në ceremoninë e “Golden Globes”.
