Ditën e djeshme reagimi i stilistit brazilian @pedraols i cili ndau në Instagramin e tij foton e dizajnit origjinal të veshjes së Ronelës, të krijuar në 2020, bëri xhiron e rrjetit.
“Kam nevojë për ndihmë. Morën dezajnin tim pa lejen time dhe nuk më dhanë as kredite për këtë”, shkroi stilisti i cili pohoi se dezajni ishte marrë pa konfirmimin e tij.
Kaq mjaftoi që në rrjet të nisnin komentet dhe postimet e ndryshme, disa prej të cilave e identifikonin Hajatin si një kopje.
Megjithatë deri më tani vetë Ronela apo stafi i saj nuk kanë reaguar ende lidhur me origjinalitetin e veshjes, duke lënë jehonën e komenteve të vazhdojë.
E gjitha mund të jetë rastesi, duke qenë se Niko Komani ka sqaruar se çfarë përfaqëson veshja sipas tij.
Dy stilistët mund të jenë frymëzuar po njëlloj dhe bota me një diversitet të gjërë ka dhe të tilla fërkime, megjithatë do duhet që të gjithë të presin për një reagim nga vetë stafi përfaqësues i këtij viti.
Sonte mbrëma Ronela Hajati do të performojë e para në “Eurovision” dhe performanca e saj pritet me shumë kureshtje nga të gjithë ndjekësit shqiptarë për shkak të energjisë që ajo ka treguar.
Ronela e ka bërë zhurmën, sytë katër sonte në darkë për ta shijuar në skenë dhë për të treguar mbështetjen e plotë me vota./revistawho.com
