Secila prej nesh i di mëkatet e saj. Për shembull, a e vendosni kremi me faktor mbrojtës të diellit në qytet që në ditet e para të pranverës? Shumë prej nesh nisin të aplikojnë produktet kundër diellit vetëm kur nis plazhi, duke harruar se edhe rrezet e para të pranverës përmbajnë UV. Pa harruar më pas zakonin e keq të përditshmërisë, që nuk hidratohemi mjaftueshëm. Meqë jemi këtu, sidomos verën e fundit po aplikohen spray-t që përmbajnë ujë të pasur me minerale, në mënyrë që përgjatë ditës të freskojmë kudo ku jemi lëkurën e etur, pa pasur medoemos nevojë për një rubinet pranë. Më poshtë po ju listojmë 5 shkaqet kryesore që iu kanë bërë të keni një fytyrë me rrudha.
Mungesa e faktorit mbrojtës në kremin e përditshëm
Pjesa më e madhe e njerëzve kanë bindjen se mbrojtja nga dielli duhet bërë vetëm gjatë ditëve të verës. Ky gabim ju ka kushtuar shtrenjtë, ju ka rrudhosur. Mos harroni se 90% e shenjave të dukshme të plakjes, shkaktohen nga ekspozimi në diell i cili nuk godet vetëm në plazh, por edhe kur jeni duke bërë thejsht një shëtitje. Zgjidhja? Kurrë më mos dilni nga shtëpia pa vënë kremin mbrojtës.
Konsumi i tepërt i brumërave
Makaronat nuk ndikojnë negativisht vetëm në peshën tuaj. Ato përbajnë gluten dhe ndikojnë në humbjen e elasticitetit të lëkurës suaj. Eliminoni pastat dhe bukën e bardhë nga dieta, duke i zëvendësuar me drithëra integrale.
Jetesa në qytet
Jetoni në qytet! Ajri i ndotur nuk dëmton vetëm mushkëritë, por sidomos lëkurën tuaj. Sipas një studimi të botuar në “National Center for Biotechnology Information”, njerëzit që punojnë kryesisht në rrugë kanë më shumë rrudha dhe shenja plakjeje. Dhe duke qenë se nuk transferohemi dot të gjithë në fshat, ka disa zgjidhje të tjera. Për shembull ushqimi. Duhet të konsumoni ushqime të pasura me antioksidantë (fruta pylli, perime e gjethe jeshile, peshk). Po ashtu edhe në fytyrë duhet të përdorni produkte që përmbajnë antioksidantë (psh serume me vitaminë C).
Gjumi i pamjaftueshëm
Nuk flini sa duhet. Qëndrimi me orë ta gjata para televizorit duke i marrë orët gjumit, provokon ngritjen e nivelit të kortizolit, hormonit të stresit që kontribuon në krijimin e rrudhave. Lëkura rigjenerohet gjatë gjumit ndaj nëse nuk flini sa duhet do të humbisni këtë proces të rëndësishëm.
Cigarja
Cigarja shkakton kancer, patologji kardiake dhe shqetësime të frymëmarrjes. Nëse këto nuk ju mjaftojnë që t’iu mbushet mendja të hiqni dorë, si ju duket fakti që cigaret ju bëjnë të dukeni shumë më të vjetër se ç’jeni në të vërtetë? Dhe efektet negative të duhanit ne lekure janë dy llojesh. Lëvizja që bëni për të shtrënguar buzët përreth cigares favorizon krijimin e rrudhave, ndërsa substancat kimike dëmtojnë lëkurën në brendësi duke e bërë të duket si e fikur.
