Rruga e dashurisë nga parajsa në ferr, arrestohet 50-vjeçari nga Durrësi

Një mesoburrë i shpallur në kërkim, është arrestuar një ditë më parë për përndjekje. Për këtë vepër penale, 50-vjeçari Armando.T, banues në Durrës, është dënuar me 4 muaj burg nga gjykata e Rrethit Gjyqësor Durrës. Ai akuzohet se ka përndjekur në mënyrë të vazhdueshme për muaj të tërë shtetasen F.H. Mësohet se 50-vjeçari kishte qenë i lidhur me F.H., rreth 40 vjeçe, dhe për një kohë kishin bashkëjetuar. Por pas ndarjes ai kishte nisur kërcënimet dhe përndjekjet ndaj ish-partneres së tij, duke i shkaktuar gjendje ankthi dhe frike. Ai e përndiqte atë duke i dalë përpara dhe duke e kërcënuar, çka bënte që gruaja të mos ndihej e sigurt, raporton “Syri.net”. Në këto kushte, e dëmtuara ju drejtua policisë për të bërë denoncim, duke çuar në arrestimin dhe dënimin e 50-vjeçarit.