Për të bukurën shkruhet në çdo kohë, ndër vite, shekuj, çdo herë. Ashtu ka bërë edhe “Living” në 10 vjet, një kornizë që përfaqëson pasionin për të bukurën. Shumë shpejt do të vijë një format i ri, më krijues dhe më i kuruar se kurrë. Këtë e ka zbuluar kryeredaktorja Santana Çomora në një rrëfim për emisionin “Vizioni i pasdites”. Mes kujtimeve si ka lindur revista dhe premisave se si pritet të ndryshojë e rritet, Santana i tha të gjitha. Detajet bëjnë ndryshimin dhe këtë e përjetësoi më së miri përmes fotografisë dhe shkrimit original.
Mëson Santana nga “Living” apo “Living” prej Santanës?
“Ecim paralelisht për të dhënë më të mirën”, është përgjigjur ajo.
Misioni “Living” ka qenë gjithmonë promovimi i emrave të rinj në fusha të ndryshme, por Santana nuk la pa përmendur edhe disa nga figurat që janë pritur me dashuri nga lexuesi, si Eni Vasili, Jonida Maliqi, Eva Murati, Kristina Baki e Afërdita Dreshaj.
