Pas kthimit nga Amerika, Rudina Hajdari ishte pasditen e sotme e ftuar në “Ftesë në 5” për të folur rreth situatës politike pas zgjedhjeve të 25 prillit dhe marrëdhënien që ka sot me partnerin e saj, me të cilin është përfolur se ka një krisje.
Rudina ka sqaruar se raporti në distancë prej 4 vitesh ka sjellë probleme, megjithatë e rëndësishme për të është vajza. Ajo ka treguar se kur rezultati i zgjedhjeve u pasqyrua donte vetëm të flinte gjumë për t’u çlodhur.
“Ishte në mëngjes, isha akoma në zyrë dhe mbaj mend që njerëzit që ishin afër se ato momente kishte shumë njerëz pa gjumë, të lodhur dhe po mundohesha ti mbaja të karikuar. Të gjithë po shihnin nëse do të shpërtheja nga emocionet. Pastaj thashë stop, numëruam çfarë numëruam, është e qartë që nuk ia dolëm këtë radhë.
Gjëja e parë që më shkoi ndër mend është që më flihej gjumë. Do flija gjumë mirë dhe të nersërmen do shihja se çdo bëja”, tha deputetja.
Ndër të tjera, Hajdari tha se këto zgjedhje nuk ndryshuan asgjë duke shtuar se pavarësisht humbjes, lufta për të rikthyer demokracinë e munguar në Shqipëri nuk ka mbaruar.
Deputetja komentoi edhe zgjedhjet në Partinë Demokratike duke thënë se mungon demokracia e brendshme, por kujtoi se zboi kur mbajti mandatin. Këtë moment e cilësoi si “mënyrën më të shëmtuar për ta hequr”.
“PD ka kohë të gjatë që i mungon demokracia e brendshme. Për këtë arsye, si spektatore nga fakti që ajo parti më zboi në momentin që mbajta mandatin, nuk është e vërtetë që ika, por u hoqa në mënyrën më të shëmtuar duke më thënë që nuk isha as anëtare e PD, gjë që nuk është e vërtetë se kam qenë brenda e Partisë Demokratike që kur kam lindur. Raporti im me PD vazhdon të jetë i fortë dhe nuk ka ndryshuar”, u shpreh ajo./revistawho.com
