Ditën e sotme Jonida Shehu ishte e ftuar speciale në emisionin e mëngjesit “Rreze Dielli” në “Report Tv”. Në një intervistë për karrierën e saj 17-vjeçare në televizion, Jonida ka treguar detaje të shumta për këtë rrugëtim sa të vështirë, po aq edhe të bukur. Për momentin ajo drejton programin “Soiree” në “Top Channel”, ndërsa më herët ka moderuar emisionin e pasdites në po të njëjtin ekran. Ditën e sotme në “Rreze Dielli” ajo nuk ka mundur t’i shpëtojë pyetjes për konkurrentët e saj, Rudina Magjistarin në të shkuarën dhe Blendi Fevizun për të tashmen.
Jonida është shprehur se më parë nuk është përballur me Rudinën, sepse në orarin që transmetohej “Pasdite në Top Channel” në “Klan” jepej një telenovelë indiane. Ndërsa për sa i përket konkurrencës me Fevziun ajo shprehet: “Me Blendin sigurisht kemi qenë në të njëjtin orar pjesën më të madhe, por mendoj që secili nga ne ka atë tunelin e tij”. Më pas Jonida ka shtuar: “Ky vit ka qenë një vit i mbushur me skandale, pas muajit të dytë të programit filluam të kishim një audiencë më të mirë, sepse shtoheshin njerëzit që donin t’i shmangeshin politikës”. Mbrëmjen e djeshme Jonida Shehu nisi sezonin e dytë të “Soiree” dhe këtë vit për të është sfida më e fortë për shkak të orarit “prime time”. /revistawho.com
