Një 37 vjeçare nga qyteti i Durrësit është vënë në hetimin e polisë së kryeqytetit për shkak se prej tetorit të vitit të kaluar kërcënonte me sms fyese në rrjetet sociale moderatoren e njohur televizive Rudina Magjistari. Viola Sala 37-vjeçarja nga Durrësi po hetohet në gjendje të lirë, e nuk ka ditur të ndalet deri këtë të mërkurë kur moderatorja ka denoncuar në polici sulmin ndaj personit të saj, shkruan ‘Shqiptarja.Com”. Edhe pse ende nuk dihet shkaku i vërtetë i “mllefit” të 37 vjeçares durrsake, ndërkohë që materialet e depozitura nga Magjistari i kanë kaluar prokurorisë e cila ka marrë në shqyrtim çështjen dhe zbardhjen e rrethanave të ngjarjes.
Informacioni paraprak i policisë
Policia e Tiranës ka nisur procedimin në gjendje të lirë ndaj një 37-vjeçare nga Durrësi, pasi kërcënonte në rrjetet sociale një gazetare. Sipas burimeve, kanë nisur hetimet për Viola Salën, pasi që nga muaji tetor 2015 dhe deri në ditët e sotme i ka dërguar mesazhe kërcënuese dhe fyese në Facebook moderatores televizive me iniciale R.M.
