Këngëtarja Jehona Sopi është një prej zërave më të veçantë të estradës shqiptare. Së fundmi ajo ka ndarë një superlajm me adhuruesit e saj. Këngëtarja do të sjellë së shpejti një koncert-recital për të risjellë këngët e saj. Ky koncert do të mbahet më 9 qershor, në orën 19.30 në “AMC MHall”.
“J stands for Jehonë – ky nuk është rikthim, është veç vazhdim i një rrugëtimi që nisi më shumë se 20 vjet më parë. Jam e lumtur të Ju prezantoj koncertin recital nën shoqërimin e orkestrës simfonike me disa prej këngëve që kanë jetuar gjithë këto kohë sepse Ju i keni dëgjuar. Më 9 qershor prej orës 19:30 në “AMC Hall” me “Jehonë”, përveç një feste kënge është dedikim për t’i dhënë zë grave në një kohë kur fuqizimi është jetik. Faleminderit të gjithë mbështetësve që këtë rrugëtim po e bëjnë realitet”, shkroi ajo në postimin e saj në “Instagram”.
