Në një video të kohëve të fundit për Harper’s Bazaar, aktorja e famshme e Hollivudit ndau disa nga produktet që përdor, por edhe hapat e rutinës së saj së mbrëmjes për kujdesin e lëkurës, të cilat janë më të thjeshta nga çfarë mund të mendoni.
Nëse doni të ndiqni një rutinë të thjeshtë, por edhe të shpejtë të bukurisë, gjithçka që duhet të bëni është të mësoni nga këto 5 gjërat që
bën Nicole Kidman çdo natë.
Pastrimi i fytyrës
Hapi i parë dhe më themelor i çdo rutine bukurie të cilën, ndër të tjera Nicole Kidman nuk e harron është pastrimi. Siç shfaqet në video, ajo heq grimin duke përdorur pastruesin e preferuar të fytyrës (preferon një në formën e shkumës) ndërsa masazhon të gjithë fytyrën, ndërsa në fund, pasi lan fytyrën, përdor një leckë të thatë.
Vaj për fytyrën kundër rrudhave dhe vijave të holla
Aktorja pastaj aplikon një vaj në fytyrën e saj që ndihmon në zvogëlimin e skuqjes dhe inflamacionit. Ajo derdh një sasi të vogël vaji në pëllëmbët e saj dhe pastaj e përhap atë në të gjithë fytyrën e saj, përfshirë veshët e saj. “Më pëlqen të kem një lëkurë të hidratuar,” tha ajo ndërsa masazhonte produktin në faqet e saj.
Vaj flokësh
Vaji i flokëve është në rregull. Për t’i mbajtur kaçurrelat e saj të hidratuara dhe të shëndetshme, aktorja aplikon vajin e saj të preferuar të flokëve, më konkretisht, Philip B Rejuvenating Oil (një trajtim intensiv i flokëve dhe kokës që hidraton flokët e thatë). Ajo pastaj i mbledh të gjitha flokët në pjesën e pasme të kokës, duke krijuar një gërshet të madh.
Parfumi i saj
Para se të bjerë në shtrat me burrin e saj, ajo spërkon pak nga parfumi i saj në mënyrë që të nuhasë bukur.
Lëvizja që bën diferencën: Kremi i këmbëve
“Ndonjëherë unë aplikoj një krem për thembrat sepse këmbët janë vërtet shumë të thata në këtë pikë.” Në këtë mënyrë hidraton thembrat ndërsa në të njëjtën kohë, përmirëson strukturën e tyre.
