Ryan Gosling luan rolin e Ken në filmin “Barbie” që vitin e kaluar pushtoi kinematë. Mirëpo aktori tregoi së fundmi se vajzat e tij nuk e kanë parë ende filmin.
“Nuk e di nëse duhet ta shikojnë babain si Ken. Nuk e di se çfarë moshe është idealja për të parë prindin tënd duke luajtur këtë rol”, tha ai për E News.
Gosling vuri në dukje se ato kanë parë “pjesë të vogla” të filmit dhe erdhën për ta vizituar në xhirime. Edhe pse vajzat e tij nuk e kanë parë ende filmin e përfunduar, Gosling tha se dashuria e vazjave të tij për kukullën Barbie ishte një faktor pse ai pranoi rolin.
Gosling ka dy vajza Esmerelda, 9, dhe Amada, 7, me partneren Eva Mendes.
