Ryan Reynolds ka folur gjatë muajit maj për problemet me shëndetit mendor dhe së fundmi është përqëndruar prap në këtë temë. Për “Entertainment Tonight”, ai pranoi se ka vuajtur nga ankthi për shumë kohë dhe akoma i shfaqet, por arsyeja pse vendosi të flasë ishte kryesisht për shkak të vajzave të tij, James, Inez dhe Betty.
“Jam rritur në një familje që nuk më krijoi ambientin më të mirë për të jetuar, ama ja vura fajin brezit të tyre. Unë fola hapur për ankthin sepse doja të shfrytëzoja influencën time si personazh publik që të ndihmoja të tjerët. Mendoj se kur flet për problemet me shëndetin mendor, dikë do e çlirosh. Nuk dua që vajzat e mia të ndihen vetëm dhe kurrsesi nuk dua t’i rris siç më rritën mua”, u shpreh Ryan.
Aktori pranoi se vuan nga problemet me ankthin prej shumë kohësh dhe akoma e quan ankthin ‘një shok’ sepse herë pas here gjendja e vështirë i rikthehet./revistawho.com
