Anjeza Shahini ka publikuar pak minuta më parë një kujtim të vjetër nga ‘Këngët e Shekullit 2’ ku shfaqet teksa këndon një prej këngëve më të njohura shqiptare. Por kjo performancë është disi e veçantë, pasi bukuroshja e ekranit nis të këndojë në bardh e zi dhe duke i qëndruar strikte rregullave të ndjekura nga sistemi komunist që dikur pati mbërthyer Shqipërinë, si një mënyrë për të kujtuar mënyrën si ndikonte ajo periudhë në artin e vendit tonë. Më pas, kënga kthehet në versionin origjinal, kur Anjeza me gjithë pozitivitetin që e karakterizon i jep emocion performancës.
“Meqenëse ra fjala tek kohët e filmimeve pa ngjyra. Në këngët e shekullit 2 ne provuam të qëndronim drejtë duke kënduar sikur donte “partia”, ishte shumë e vështirë, sidomos kur mendoje se me një lëvizje mund të rrezikoje lirinë. Uh fal Zotit linda në demokraci”,-ka shkruar këngëtarja krah videos duke rrëfyer ndjesitë e saj.
https://www.instagram.com/p/By-r-CeJEd5/?igshid=rdqdpff9prjd&fbclid=IwAR2VdAVzdKl60cuIaTaWAiDSUnFesOokR9qfgia-YYiRMxsR3I2xcjMXCVA
Kujtojmë se Anjeza tashmë nuk jeton më në Shqipëri, por në Britani bashkë me familjen e saj, bashkëshortin dhe vajzën. / revistawho.com
