‘Ishe mbret’ apo ‘Prapë do t’i lutem’ janë disa nga këngët të cilat u memorizuan për shumë gjatë në kujtesën e njerëzve nga këngëtarja e njohur, Anxhela Peristeri.
Pak më parë artistja është kthyer pas në kohë duke publikuar disa prej këtyre projekteve, duke shtuar se ka qenë shumë e vogël kur ka xhiruar për herë të parë.
“Nostalgji. Kam qenë 17 vjeç kur fillova të realizoj këto këngë. Ka dhe shumë të tjera që nuk janë në ‘Youtube’, prandaj hodha vetëm këto që janë. Cila ka qenë e preferuara juaj?”, ka shkruar Anxhela krah videove të këngëve shumë të njohura nga publiku.
Fansat apo miqtë e Peristerit kanë komentuar menjëherë në postim, duke treguar se janë kthyer pas në kohë dhe se këto këngë kanë qenë të preferuarat e tyre.
Kujtojmë se në vetëm pak ditë, Anxhela do të sjellë një projekt të ri muzikor, i cili do të jetë një bashkëpunim me një artist nga Kosova./revistawho.com
https://www.instagram.com/p/B7OLRwfBGCU/?igshid=108yky3rs2n9g
