Në një intervistë për “Kosovaren”, këngëtari Sabri Fejzullahu ka folur për gruan e tij Nerën duke treguar për njohjen e tyre dhe fillimin e lidhjes si dhe për prishjen e martesës së parë.
“Nerën e njoha në skenë, e cila kishte dashuri të madhe ndaj artit dhe dëshironte të behej një artiste e famshme. Ishte e bukur, e ëmbël dhe menjëherë në atë rast mendova ta bëj për vete. Me aftësitë e mia prej aktori e binda zemrën e saj të qëndronte për shumë kohë me mua dhe të vazhdojmë të jemi bashkë, sikur që edhe jemi edhe sot dhe të mos mund të jetojmë njëri pa tjetrin sa peshku pa ujë”, – tha Sabriu.
Ai sakaq ka folur edhe për martesën e parë, e cila u prish për këto arsye… “Kisha kohë që isha ndarë me bashkëshorten e parë, jo për shkak të ndonjë moskuptimi apo xhelozie, por për shkak se këndvështrimi ynë për artin ishte i ndryshëm”.
