Sadije Berisha, ish-bashkëshortja e Shkëlzen Berishës, risjell në memorie Sokol Olldashin. Në profilin e saj zyrtar në “Facebook”, ajo shkruan se e ka parë në ëndërr Sokolin megjithëse e ka takuar vetëm pak herë dhe se ka patur një bisedë me të. Sipas saj, në ëndërr Olldashi i ka thënë që ajo mund të jetë pasuesja e tij e vetme. “Ëndrrat mund të jenë komplekse dhe është si të kesh një bashkëbisedim me subkoshiencën tënde apo shpirtin tënd. Dikur pata një ëndërr të kthjellët, duke folur me Z. Olldashi…pas aksidentit të tij. E pyeta atë përse erdhi të bisedonte me mua? Ai tha: Sepse ti je e vetmja që mund të më pasojë. (Nuk e njihja atë, e kisha takuar vetëm disa herë)”, shkruan Sadije Berisha, duke postuar edhe një foto të Olldashit. Kaq ka mjaftuar që komentuesit të shpërthejnë në komente, duke e pyetur Sadijen se çfarë dëshiron të tregojë me këtë.
