E njohim si “Sadna” nga seriali “Bidaai”, por emri i saj është Sara Khan. E famshme në Indi prej roleve të saj, tanimë edhe si këngëtare, Sara Khan ka tërhequr gjithmonë vëmendjen e mediave. Ditët e fundit burime pranë aktores shkruajnë se ajo është lidhur me një aktor shumë të famshëm në Indi. Dhe për këtë nuk ka asnjë dyshim pasi fotot e postuara prej tyre në rrjetet sociale janë të shumta. Herë të përqafuar, herë me deklarata për njëri tjetrin, duket se mes tyre ka diçka. Edhe pse aktori në një intervistë ka thënë se e quan shoqe, kjo nuk është e vërtetë. Bëhet fjalë për aktorin simpatik Noor Hassan. Lidhja e tyre nisi kur të dy aktorët luajtën në serialin “Bay Khudi”, i cili vazhdon të transmetohet akoma në Indi. Duke qenë se Sara dhe Noor luanin rolin e një çifti, ata u afruan më shumë me njëri tjetrin. Kujtojmë se Sara Khan ka qenë e martuar në të shkuarën me aktorin Ali Merchant, por u ndanë në 2011 për shkaqe ende të paditura. Më pas në 2014 u bë publike lidhja e saj me aktorin shumë të pëlqyer nga femrat Paras CHhabra. Lidhja e tyre nuk zgjati shumë dhe ata u ndanë në prill 2015. Gjatë 2015 Sara u njoh me biznesmenin Rishabh Tandon për të cilin u përfol se u martua, por që rezultoi e pavërtetë. Përpos këtyre, ishte viti 2016 kur Sara dhe Noor u njohën dhe shpresojmë që lidhja e tyre të zgjasë e mbi të gjitha të jenë të lumtur./revistawho.com
Noor Hassan
Sara Khan dhe Noor Hassan
Sara Khan dhe Noor Hassan në serialin “Bay Khudi”
