Këto muajt e fundit duket se vëmendja mediatike ndaj Saimir Tahirit është zbehur disi. Tashmë ai është më i qetë dhe ka vendosur që sezonin veror ta shijojë sa më shumë. Nëpërmjet rrjeteve sociale ish-ministri ka treguar se ka udhëtuar në disa vende dhe ka provuar eksperienca nga më të ndryshmet. Shëtitjet me kalë në det, mbledhja e mjaltit nga kosheret e bletëve janë disa nga eksperiencat e tij më të veçanta.
Por duket se eksperimentimet e tij me profesione të ndryshme nuk mbaron me kaq. Së fundmi, Tahiri është fotografuar nga ‘Panorama’ në një club nate në Tiranë duke provuar të miksojë muzikë si DJ. Ai duket se e ka marrë shumë seriozisht, sepse është shumë i fokusuar. Me siguri kjo verë duhet të jetë një ndër më të bukurat për Saimir Tahirin. /revistawho.com
