Saimir Tahiri ‘selfie’ me Bujarin dhe Refien, komentuesit: Jepuni kremëra se u poqën në diell

Ministri i Brendshëm Saimir Tahiri ka bërë një “selfie” me dy efektivë të Policisë së Lushnjës. I buzëqeshur, Tahiri pozon midis Bujarit dhe Refies, të cilët duken edhe më të kënaqur që po bëjnë foto me “shefin”. “Lushnje, Bujari 32 vjet dhe Refija 1 vit punë. Eksperienca dhe e ardhmja e Policisë. Me pasurinë e më të mirëve ndër vite, ndërtojmë Policinë e gjenerates tjetër”, shkruan Tahiri. Të shumtë janë komentuesit të cilët shprehin keqardhje për policët, të cilët janë të detyruar të qëndrojnë në diell me orë të gjata. “Bujari qenke si 60 vjeç. Mbaroi i shkreti në diell me dhallë”, shkruan një komentues. “Kam vënë re që gjithë policet rrugorë kanë probleme të theksuara në fytyrë si pasojë e ekspozimit të tejzgjatur në diell… Ofrojuni kremëra mbrojtës të shkretëve, se veç të tjerash do u shfaqet ndonjë melanome… E këtu vdes kollaj spitaleve…Fatkeqësisht!”, ironizon një tjetër.