Kolona zanore e filmit të shumëpërfolur “Spectre” më në fund është publikuar.
Edhe pse ka patur shumë reagime pozitive, të shumta kanë qënë edhe ato negative, duke e akuzuar Sam Smith se ka kopjuar këngën e famshme të Michael Jackson, “Earth Song”.
Shumë fansa përmes rrjetit social “Twitter”, kanë kritikuar ashpër muzikantin 23-vjecar, për këngën e re të “Agjentit 007” duke pretenduar se ka një ngjashmëri të madhe me hitin e ikonës.
Gjatë një interviste të dhënë për “BBC”, Sam është shprehur se këtë këngë e ka shkruar shumë shpejt pasi nuk ndihej aspak nën presion. Ai gjithashtu ka shpjeguar se presionin më të madh e ka ndjerë ditët e fundit pasi nuk dinte se çfarë do mendojnë fansat për të.
