Raportohet se kompania Apple është duke kërkuar që të ndërrojë ekrane nga LCD në OLED, duke filluar me modelin më të madh iPhone Plus. Kompania Samsung, që ka linjën më të madhe të prodhimit të ekraneve AMOLED, thuhet se 60 për qind e ekraneve AMOLED të saj do të përdoren për Apple, transmeton Koha.net. Kompania ka bërë një investim të madh – mes 6.64 miliardë dollarë dhe 7.47 miliardë dollarë – me të cilin do të mund të rrisë kapacitetin e prodhimit në 45 mijë njësi në muaj në mënyrë që të plotësojë porosinë prej 100 milionë ekrane për vitin e ardhshëm. Strategjia e burimit të shumëfishtë të kompanisë Apple nënkupton një kompani tjetër – LG, thotë një burim i brendshëm – do të ndërtojë rreth 30 për qind të ekraneve AMOLED. Furnizuesit e tretë (JDI dhe Foxconn) do të përmbushin pjesën e mbetur prej 10 për qind.Analisti nga UBI Research, kompania që merret me hulumtime, mendon se nga viti 2021 Apple do ta kalojë Samsungun sa i përket ekraneve AMOLED, duke krijuar serinë e vet. Kjo nuk do të jetë edhe shumë e vështirë nëse Apple qëndron në 2-3 modelet e strategjisë së saj vjetore.
