Kompania Samsung është duke dhënë një përpjekje të madhe për të ndihmuar shëndetësinë. Ajo kohëve të fundit ka lançuar një makinë të re me ultratinguj e cila mund të tregojë shumë të dhëna të rëndësishme në mënyrë që të ndihmojë në zbulimin e hershëm të tumorit të gjirit. Tani, kompania është duke punuar në një aplikacion të ri i cili ndihmon që foshnjat e lindura para kohe të dëgjojnë nënat e tyre nga distanca. Voices fo Life, aplikacioni i ri i cili është duke u zhvilluar nga kompania Samsung, mundëson që nëna të regjistrojë zërin e saj, rrahjet e zemrës, ose ninullat në telefonin e saj, transmeton Koha.net. Aplikacioni pastaj transmeton këtë incizim tek foshnja përmes një altoparlanti i cili është i vendosur afër krahut të foshnjës. Ky aplikacion regjistron rrahjet e zemrës së nënës duke përdorur sensorin për zemër që e posedojnë smartfonët e Samsungut. Foshnjat e lindura para kohe kanë një rrezik më të lartë të moszhvillimit të gjuhës dhe deficiteve të vëmendjes. Zëri i këndshëm i nënës e gëzon foshnjën e lindur para kohe në kujdesin neonatal. Gjithashtu ky aplikacion ndihmon prindërit që të lidhen me foshnjën e tyre në javët e para të rëndësishme, edhe kur ata nuk janë fizikisht pranë foshnjës. Kompania nuk ka zbuluar ndonjë informacion në lidhje me atë se sa është afër përfundimit të këtij aplikacioni ose cilat spitale do të përdorin këtë teknologji në të ardhmen.Por, kur të lançohet ky aplikacion, mund të ndihmojë së paku disa nga 15 milionë foshnje që lindin para kohe çdo vit./gazetaekspres
https://www.youtube.com/watch?v=JytAVfeClLE
